Нэгэн хормын бодрол . . .

Би гэдэг хүн өөрийгөө хөндлөнгөөс харлаа. Өдөр бүрийг өндийх завгүй ажилд нухлуулж өнгөрөөх, өглөө бүр яарч сандран ажилдаа ирэх, орой болоход түгжрэлд орон бухимдсаар өдөр хоног өнгөрсөөр л ... Өөрийгөө хурцлах, өөр хэн нэгнээс суралцах, өнгөлж зүлгэж ч амжихгүй явсаар нас минь явж байна.

Хааяахан бодолд дарагдах юм. Сэтгэлээр урсан гардаг байсан үгнүүд хүртэл эвлэж өгөхгүй... Бодоод байсан блогтоо бичлэг нэмээгүй их уджээ. Хааяаа сэтгэлээ уудлан дотооддоо байгаа бүхнээ ил гарган хэн нэгэнтэй хуваалцахад минь энэхүү блог минь тусалдаг сан. Туслалцаа ч авахаа марсан байна би гэж хүн.

Өнөөдөр шинэ долоо хоногийн эхний өдөр, Фэйсбоокдээ өглөө бүрийг инээмсэглэн угтаарай гэсэн статус үлдээлээ. Нилээн хэдэн хүн Лайк хийсэн байх юм. Өглөө бүрийг инээмсэглэн угтвал тэр өдөртөө л инээмсэглэн ажил бүтэмжтэй, амьдрал гэрэлтэй сайхан өнгөрөх шиг санагддаг юм. Энэ бодитой байхаа би итгэсэн.

Инээмсэглэл гэдэг хүнд сайхан мэдрэмж төрүүлдэг, хүнээс сайхан илч өгдөг. Инээмсэглэж буй хүнд стресс бухимдал гэж үгүй. Та өдөр бүрийг, өглөө бүхнийг инээмсэглэн угтаарай, хэн нэгэнлүү чинь сэтгэлээсээ инээмсэглэж байгаарай.

Инээмсэглэлээ гэж...